ඖෂධවලට රුපියල් ලක්ෂයකට ආසන්න මුදලක් වැඩිපුර අයකරයි
පෞද්ගලික රෝහල් විසින් රෝගීන්ගෙන් අසාධාරණ ලෙස මුදල් ගරාගැනීමේ සංවිධානාත්මක ජාවාරමක් පිළිබඳව වත්තල හේමාස් රෝහලෙන් (Hemas Hospital Wattala) බරපතල සාක්ෂි සහිතව මේ වනවිට අනාවරණය වී තිබේ. මෙය හුදෙක් එක් රෝගියෙකුට සිදුවූ අසාධාරණයක් පමණක් නොව, සමස්ත සෞඛ්ය ක්ෂේත්රයේම පවතින පාරිභෝගික සූරාකෑම සහ ඊට එරෙහිව නීතිය ක්රියාත්මක කළ යුතු රාජ්ය නියාමන ආයතනවල ඇති අකාර්යක්ෂමතාව මනාව පෙන්නුම් කරන සිදුවීමකි.
නේවාසික රෝගීන් ගසාකෑමේ ජාවාරම
2024 අගෝස්තු 03 සිට 12 දක්වා වත්තල හේමාස් රෝහලේ නේවාසිකව ප්රතිකාර ලැබූ මවකගේ වෛද්ය බිල්පත් සහ ඖෂධ මිල ගණන් නිරීක්ෂණය කිරීමේදී මෙම මහා පරිමාණ වංචාව හෙළිවී ඇත. රෝහලේ වාට්ටුව මගින් රෝගීන්ට ලබාදෙන එන්නත් සඳහා අයකරන මිල සහ එම රෝහලේම පිහිටි ඔසුසලේ (Pharmacy) අලෙවි කරන මිල අතර විශාල පරතරයක් පවතින බව රෝගියාගේ පාර්ශ්වය විසින් නිරීක්ෂණය කර තිබේ. රෝගීන්ට පනවා ඇති මෙම අධික පිරිවැය හේතුවෙන්, සාධාරණ මිලට රෝහල් ඔසුසලෙන්ම අදාළ ඖෂධ මිලදී ගෙන ලබාදීමට ඔවුන් කළ ඉල්ලීම රෝහල් කළමනාකාරීත්වය විසින් දැඩිව ප්රතික්ෂේප කර ඇත. මෙය රෝගියෙකුට තම වියදම් කළමනාකරණය කරගැනීමට ඇති මූලික අයිතිය සහ පාරිභෝගික අයිතිය බරපතල ලෙස උල්ලංඝනය කිරීමකි.
ලක්ෂයකට ආසන්න ඖෂධ වංචාවරෝගියාට ලබා දුන් එන්නත් වර්ග 6 ක් සඳහා පමණක් රෝහල විසින් රුපියල් 99,176 ක මුදලක් අසාධාරණ ලෙස වැඩිපුර අයකර ඇති බව ඉදිරිපත් කර ඇති සාක්ෂි (බිල්පත් සහ ගණනය කිරීම්) මගින් පැහැදිලිව තහවුරු වේ.
- Kabimmol (100ml): ඔසුසලේ මිල රු. 1227 ක් වුවද, වාට්ටුවෙන් අයකර ඇත්තේ රු. 2085 කි.
- Clexane (60mg): ඔසුසලේ මිල රු. 3077 කි, නමුත් වාට්ටුවේ මිල රු. 5231 කි.
- Tazin (4.5g): ඔසුසලේ මිල රු. 3583 ක් වන අතර, වාට්ටුවෙන් රු. 6091 ක් අයකර ඇත.
- Vancomycin (1g): ඔසුසලේ මිල රු. 4588 කි, නමුත් වාට්ටුවෙන් රු. 7477 ක් අයකර තිබේ.
මෙලෙස Sodium Chloride සහ Leflox යන එන්නත් සඳහාද වෙළඳපොළ මිලට වඩා අතිශය ඉහළ අගයක් නේවාසික රෝගීන්ගෙන් බලහත්කාරයෙන් අයකරගෙන ඇත.
ජාතික ඖෂධ නියාමන අධිකාරියේ (NMRA) සැකකටයුතු ක්රියාකලාපයමෙම අසාධාරණයට එරෙහිව රෝගියාගේ පාර්ශ්වය විසින් 2025 ජූලි 05 වන දින ජාතික ඖෂධ නියාමන අධිකාරියට (NMRA) නිල වශයෙන් පැමිණිලි කර ඇත. ඒ අනුව 2025 ජූලි 22 දින NMRA හි වෙළඳපල පාලන අංශය (Market Control Division) විසින් විමර්ශනයක් පවත්වා පැමිණිල්ල සටහන් කරගෙන තිබේ.
නමුත්, අදාළ විමර්ශනයෙන් පසු මාස 9 ක් ගතවීත් එම පැමිණිල්ලේ ප්රගතිය සම්බන්ධයෙන් කිසිදු දැනුම්දීමක් NMRA ආයතනයෙන් සිදුවී නොමැත. මේ පිළිබඳව සොයා බැලීම සඳහා පැමිණිලිකරු 2026 මැයි 06 දින නැවතත් NMRA වෙත ගොස් ඇත. එහිදී අනාවරණය වී ඇත්තේ, අදාළ ගොනුව සභාපතිවරයා විසින් නීති අංශය වෙත යොමු කර ඇති බවයි.
වඩාත් බරපතලම කරුණ වන්නේ, NMRA විමර්ශනය අතරතුරදී හේමාස් රෝහල් කළමනාකාරීත්වය විසින් අදාළ රෝගියාට වන්දි මුදලක් (Compensation) ලබාදී සිද්ධිය සමථයකට පත්කිරීමට එකඟතාව පළකර ඇති බව වෙළඳපල පාලන අංශයේ ප්රධානියා විසින් පැමිණිලිකරුට පසුව හෙළි කිරීමයි. එහෙත්, ආහාර හා ඖෂධ පරීක්ෂක (FND Inspector) ඇතුළු නියාමන අධිකාරිය විසින් එම එකඟතාවය හෝ ඒ පිළිබඳ තොරතුරු පැමිණිලිකරුගෙන් වසන් කර ඇත. එපමණක් නොව, පැමිණිල්ලක් ලැබී මාස 3ක් ඇතුළත වංචාවට සම්බන්ධ රෝහලට එරෙහිව ගත යුතු නෛතික පියවරයන් මෙතෙක් ගෙන නොමැති වීමට හේතුව පවා NMRA බලධාරීන් සිතාමතාම යටපත් කරමින් සිටී.
නෛතික ප්රවේශය සහ මාධ්යයේ වගකීමපාරිභෝගික කටයුතු පිළිබඳ අධිකාරී පනතට සහ ජාතික ඖෂධ නියාමන අධිකාරී පනතට අනුව, ඖෂධ සඳහා අසාධාරණ ලෙස මිල ගණන් නියම කිරීම, සත්ය තොරතුරු වසන් කිරීම සහ අත්තනෝමතික ලෙස රෝගීන් සූරාකෑම නීතිය ඉදිරියේ බරපතල දඬුවම් ලැබිය යුතු වරදකි. රෝහල් පරිශ්රය තුළම ඇති ඔසුසලෙන් සාධාරණ මිලට ඖෂධ ලබාගැනීම ප්රතික්ෂේප කරමින්, අනිවාර්යයෙන්ම අධික මිලක් ගෙවීමට රෝගීන්ට බලකිරීම සහ ඒ සඳහා පනවා ඇති ඒකාධිකාරී නීති හරහා පැහැදිලිවම සිදුවන්නේ වංචාවකි.
මහජනතාවගේ බදු මුදලින් නඩත්තු වන ජාතික ඖෂධ නියාමන අධිකාරිය (NMRA), වංචාකාරී පෞද්ගලික රෝහල්වල ජාවාරම් රක්ෂා කරන පලිහක් බවට පත්වෙමින් තිබේද යන්න මෙම සිද්ධියෙන් දැඩිව ප්රශ්න කෙරේ. නීතිය කාටත් එක සමාන විය යුතුය. රෝගීන්ගේ අසරණභාවය ප්රාග්ධනය කරගනිමින්, ඔවුන්ගේ ජීවිත සහ මුදල් සමග සෙල්ලම් කරන ආයතනවලට එරෙහිව දැඩි නීතිමය ක්රියාමාර්ග ගැනීම NMRA හි මූලික වගකීම වන අතර, අගතියට පත් පාර්ශ්වයට යුක්තිය ඉටුවන තුරු මෙම මහා පරිමාණ වංචාව පිළිබඳව සමාජය දැනුවත් කිරීම අනිවාර්ය වේ.
#harideshaya investigation