නාගරික සංවර්ධන අධිකාරියේ (UDA) හිටපු සභාපතිවරයා කඩිනමින් සිය ධූරවලින් ඉවත් කිරීමට බිමල් රත්නායක අමාත්යවරයා උපදෙස් දී ඇතැයි නිල නොවන ආරංචිමාර්ග සනාථ කර ඇත. ඒ සමඟම, ජනතා අවධානය යොමු වූයේ එම තීරණයට පාදක වූ ප්රධාන ගැටලුව වන තුම්මුල්ල හෝම්ලෑන්ඩ් ෆෙන්ටාරා සුපිරි නිවාස යෝජනා ක්රමය වෙතටයි. මෙම සිදුවීම, නිසි ක්රමවේදයන් ඉක්මවා ගිය නාගරික ඉදිකිරීම් අනුමැතියන් සම්බන්ධයෙන් නව රජය අනුගමනය කරන දැඩි ප්රතිපත්තිය පැහැදිලිවම පෙන්නුම් කරයි.
නියාමනයන් උල්ලංඝනය කිරීම සහ දූෂණ ඉඟි
වාර්තා වන පරිදි, හිටපු UDA සභාපතිවරයා ඉවත් කිරීමට ආසන්නතම හේතුව වී ඇත්තේ තුම්මුල්ල ෆෙන්ටාරා ව්යාපෘතියට අදාළව ගනු ලැබූ වැරදි තීරණයකි. එනම්, නාගරික නියාමනයන් සහ පනත උල්ලංඝනය කරමින්, අනුමත මහල් ප්රමාණයට වඩා මහල් තිස් පහක් (35) වැඩිකරමින්, අසත්ය කරුණු පවා ඉදිරිපත් කරමින් අනුමැතියක් ලබා දී තිබීමයි.
වෙන් වූ විශේෂ කලාපයන් සම්බන්ධ කරමින් භූමිය නිර්මාණය කිරීම, නියාමනයන් වෙනුවෙන් අසත්ය කරුණු සකස් කර තිබීම වැනි හිතාමතාම මහල් ප්රමාණය වැඩිකිරීමේ කූඨ උවමනාවෙන් යුතුව සිදු කර ඇති ක්රියාවන් නිසා, මෙහි වංචාවක් හෝ දූෂණ තත්ත්වයක් පවතින බවට පැහැදිලි ඉඟි ලැබී තිබුණි. මෙවැනි අක්රමිකතා හේතුවෙන් අසාධාරණයට පත් වූ ප්රදේශවාසීන් සහ සිවිල් සංවිධාන මේ වනවිටත් අධිකරණ ක්රියාමාර්ග සඳහා අවතීර්ණ වෙමින් සිටින්නේ, මෙම නීති විරෝධී ඉදිකිරීමේ අවසානයක් අපේක්ෂාවෙනි.ඇමති බිමල්ගේ සෘජු ක්රියාත්මක වීම
මෙම ගැටලුවේ බරපතලකම නිසා, වත්මන් ආණ්ඩුවේ මුලින්ම නාගරික සංවර්ධන අමාත්යවරයා ලෙස පත්කළ අනුර කරුණාතිලක අමාත්යවරයාට සිය ධූරය අහිමි විය. එම අමාත්ය ධුරයට පත් වූ වත්මන් අමාත්ය බිමල් රත්නායක මහතා, මෙම අවනඩුව නිසි ලෙස විසඳීමට කටයුතු කරමින්, UDA සභාපතිවරයා ක්ෂණිකව ඉවත් කිරීමට පියවර ගැනීම කාලෝචිත සහ ධෛර්ය සම්පන්න තීරණයකි.
මෙවැනි සෘජු තීරණ ගැනීම තුළින් ඇමති බිමල් රත්නායක මහතා පෙන්වා දී ඇත්තේ තනතුරු සහ සම්බන්ධතා වලට වඩා නීතියේ ආධිපත්යය හා ජනතා යහපත උදෙසා කටයුතු කිරීමේ කැපවීමයි.තුම්මුල්ල ෆෙන්ටාරා හි අනාගතය කුමක්ද?
මෙම ගැටලුව සම්බන්ධයෙන් ප්රධාන වශයෙන්ම මතුවන ප්රශ්නය වන්නේ “තුම්මුල්ල හෝම්ලෑන්ඩ් ෆෙන්ටාරා තට්ටු හතලිහට මොකද වෙන්නේ?” යන්නයි.
දැනට අධිකරණ ක්රියාමාර්ග ආරම්භ වී ඇති තත්ත්වය යටතේ, නීතිය ඉක්මවා ලබා දී ඇති මහල් තිස් පහේ (35) අනුමැතිය අවලංගු වීමේ ඉඩකඩක් පවතින අතර, අසාධාරණ ලෙස ඉදිකිරීම් සිදු කර ඇත්නම් ඒ සම්බන්ධයෙන් සුදුසු ඉදිරි පියවර ගැනීමට අධිකරණය නියෝග කළ හැකිය. ඇමතිවරයාගේ මෙම සෘජු මැදිහත්වීම නිසා, ඉදිරියේදී නීත්යානුකූල නොවන අනුමැති ක්රියාවලීන් වෙනස් කිරීමේ වැදගත් පූර්වාදර්ශයක් ද නිර්මාණය වනු ඇත.
මාලිමා ආණ්ඩුවට වැදගත් පණිවිඩයක්
මෙම සිදුවීම වත්මන් මාලිමා ආණ්ඩුවට ලබා දෙන වැදගත් පණිවිඩයක් වන්නේ, නිසි ක්රමවේදයන්ට අනුව සහ නීත්යානුකූලව වැඩ කටයුතු කිරීමේ අවශ්යතාවයයි. යහපාලනය සහ විනිවිදභාවය අපේක්ෂා කරන ජනතාවගේ විශ්වාසය රඳවා ගැනීමට නම්, වංචාවට හෝ දූෂණයට ඉඩ නොතබා සෘජු සහ වේගවත් ක්රියාමාර්ග අඛණ්ඩව ගත යුතුව ඇත. එසේ නොවුවහොත්, ඉතා ඉක්මනින් ජනතා අප්රසාදය වැඩිදියුණු වනු ඇති බව පැහැදිලිය.
නාගරික සංවර්ධන ක්ෂේත්රයේ පැවති අක්රමිකතා හඳුනාගෙන, ඒ සම්බන්ධයෙන් නිවැරදි තීරණයක් ගෙන, අසාධාරණයට එරෙහිව කටයුතු කිරීම පිළිබඳව වත්මන් නාගරික සංවර්ධන අමාත්යවරයා වන බිමල් රත්නායක මහතාට ප්රදේශයේ නේවාසිකයින් ස්තූතිය පලකර සිටියි.