රතු කමිස අස්සේ හැංගුණු සහල් මාෆියාව
දේශීය ගොවියා රජ කරවනවා! අතරමැදි මාෆියාවන් කුඩු පට්ටම් කරනවා!! මැතිවරණ වේදිකාවල ලෙයින්, මස්වලින් කෑගහපු ලස්සන සටන් පාඨ…
දැන් මොකද වෙලා තියෙන්නේ?
දේශීය ගොවියා රජ වෙනවා වෙනුවට… පාරට වැටිලා! අතරමැදි මාෆියාව බිඳ වැටෙනවා වෙනුවට…
ආණ්ඩුවම තවත් ‘ආනයන මාෆියාවකට’ කාපට් එළලා දීලා!
මේක හරියට… හොරාගෙන් බේරෙන්න කියලා ගේ ඇතුළට ගත්ත මනුස්සයා, ගේ අස්සේ ඉන්න උන්ගෙම බෙලි කපනවා වගේ වැඩක්!
“වාමාංශික ආණ්ඩුවක කෘෂිකර්ම න්යාය!” න්යාය පත්තරේ තියෙන්නේ දේශීය ගොවියා රැකගන්න, ස්වයංපෝෂිත වෙන්න. හැබැයි ප්රායෝගිකව කරන්නේ පිටරටින් හාල් නැව් පිටින් ගෙන්නලා දේශීය ගොවියාගේ බඩට ගහන එක.
අහන්නකෝ වැඩේ… 2025 වසරට ආණ්ඩුව ප්ලෑන් කළේ මෙට්රික් ටොන් 75,000ක් හාල් ගෙන්නන්න. හැබැයි මේ වෙනකොටත් ඒ වගේ දෙගුණයකටත් වඩා… ඒ කියන්නේ මෙට්රික් ටොන් එක්ලක්ෂ අසූදහසක් (180,000) රටට ගෙනල්ලා ඉවරයි!
වෙළෙඳ නියෝජ්ය අමාත්ය ආර්.එම්. ජයවර්ධන මහත්තයා කියනවා, රුපියල් 400ට ගිය කීරි සම්බා මිල පාලනය කරන්නලු මේවා ගෙන්නුවේ.
හරි, මිල පාලනය කරන්න කියමුකෝ…
හැබැයි ඒ ගෙන්නපු ඒවයින් මෙට්රික් ටොන් එක්ලක්ෂ පනස්හයදහසක්ම (156,000) ගෙන්නලා තියෙන්නේ කොහොමද දන්නවද? කිසිම ටෙන්ඩර් පටිපාටියක් නැතුව! දින 14ක හදිසි කවුළුවකින්, රහසින්ම වගේ!
කෝ අර විනිවිදභාවය? කෝ අර ටෙන්ඩර් මාෆියාව නැති කරනවා කියපු කතා?
පරණ ආණ්ඩුවල හොරකම්, දූෂණ ගැන පැය ගණන් ලෙක්චර් දාපු රතු සහෝදරයෝ… දැන් ටෙන්ඩර් නැතුව පිටරටින් හාල් ගෙන්නන්නෙ “කාට කඩේ යන්නද” කියලා අහන්න දේශපාලන විද්යාව ඕනේ නැහැ!
මෙහි තියෙන ලොකුම විහිළුව, නැත්නම් බරපතළම තාර්කික පරස්පරය මොකක්ද?
නියෝජ්ය අමාත්යවරයාම පවසනවා, වත්මන් වෙළෙඳපොළේ වී සඳහා රජය නියම කරපු සහතික මිල වන රුපියල් 120 ගෙවන්න වෙළෙඳුන් මැලි වෙන්නේ “දේශීය වී නිෂ්පාදනයේ පවතින දැවැන්ත අතිරික්තය” නිසා ලු!
හත්ඉලව්වයි! රටේ වී අතිරික්තයක් තියෙනවා නම්… මිල බහින්න ඕනේ එතනින්. රට ඇතුළේ වී තොග පිටින් කුණු වෙන්න දාලා, මිල ස්ථාවර කරන්න කියලා තවදුරටත් පිටරටින් හාල් නැව් ගෙන්නන්නේ මොන ආර්ථික විද්යාවටද සහෝදරවරුනි?
එයින් සිදුවන්නේ දේශීය වී අතිරික්තය තවත් කුණුකොල්ලයට යෑම පමණක් නොවේද? මේක පැහැදිලිවම දත්ත මත පදනම් වූ (Data-driven) විද්යාත්මක රාජ්ය ප්රතිපත්තියක් නෙවෙයි. මේක… දූරදර්ශී නොවන, පාරිභෝගිකයා රවටන්න කරන ලාභදායී දේශපාලන සන්දර්ශනයක්!
ජාතික ගොවිජන එකමුතුවේ සභාපති අනුරාධ තෙන්නකෝන් මහත්තයා දත්ත ඇතුව පෙන්වලා දෙනවා ඛේදවාචකය. ලංකාවේ වාර්ෂික සහල් අවශ්යතාවය මෙට්රික් ටොන් මිලියන 2.45යි. හැබැයි අපේ යල-මහ කන්න දෙකේ දේශීය වී නිෂ්පාදනය මෙට්රික් ටොන් මිලියන 4.6ත් 5ත් අතර තියෙනවා. ඒ කියන්නේ, දැනටමත් රට ඇතුළේ මෙට්රික් ටොන් මිලියනයක විතර සහල් අතිරික්තයක් තියෙනවා!
මෙච්චර තොග තියාගෙන, ආණ්ඩුව මේ සූදානම් වෙන්නේ කාගේ බඩවල් පුරවන්නද?
ගොවියා ආරක්ෂා කරන්න රුපියල් 120ක සහතික මිලක් බෝඩ් ලෑලිවල ගැහුවට වැඩක් නැහැ. ටෙන්ඩර් රහිතව ගෙන්වපු පිටරට හාල්වලින් වෙළෙඳපොළ පුරවනකොට, දේශීය ගොවියාගේ වී ටික ගන්න කෙනෙක් නැතිවෙනවා. අන්තිමට ගොවියා යන්නේ මෝල මුදලාලි ළඟට නෙවෙයි… යළිත් වරක් දැවැන්ත ණය උගුලක හිරවෙලා වස කුප්පිය ළඟට!
දැන්වත් ඇහැරෙන්න!
වත්මන් වාමාංශික ආණ්ඩුව දැන්වත් තීරණය කරන්න ඕනේ… උන් ඉන්නේ දේශීය ගොවියාගේ පැත්තේද, නැත්නම් දින 14න් ටෙන්ඩර් රහිතව සහල් ගෙන්නලා ලාභ ලබන කූට ආනයනකරුවන්ගේ පැත්තේද කියලා!
වී අතිරික්තයක් තිබියදීත් පිටරටින් සහල් ගෙන්නන එක… සාර්ථක කෘෂිකාර්මික උපායමාර්ගයක් නෙවෙයි. ඒක… දේශීය ගොවියාගේ බෙල්ලට තැබූ මරණ වරෙන්තුවක්!
සටන් පාඨවලින් බඩ පිරෙන්නේ නැහැ!
න්යාය පත්රවලින් රටක් හැදෙන්නේ නැහැ!
රතු ලේබල් අලවලා… නිල්-කොළ කරපු සෙල්ලමම දාන්න ලෑස්ති වෙන්න එපා!
දැන්වත් ඇහැරෙන්න!
දේශන වෙනුවට… දේශීය ගොවියා රැකගන්නා ක්රියාව ඉල්ලන්න!
ටෙන්ඩර් රහිත ඩීල් වෙනුවට… විනිවිදභාවය ඉල්ලන්න! රට ඇතුළේ තියෙන බත් පත පරදවලා, පිටරටින් හාල් ගේන දේශපාලන වහල්කමට එරෙහිව… දැන්වත් කොන්ද කෙළින් තියාගෙන ප්රශ්න කරන්න!