ශ්රී ලංකාවේ ඩිජිටල් ආර්ථිකය ප්රවර්ධනය කිරීමේ මුවාවෙන් පසුපස දොරටුවෙන් සිදුවන බිලියන ගණනක අද්භූත ටෙන්ඩර් ගනුදෙනු රැසක තොරතුරු මේ වන විට තොරතුරු තාක්ෂණ ක්ෂේත්රය තුළ දැඩි ආන්දෝලනයක් නිර්මාණය කර ඇත. අතීතයේදී විශාල රාජ්ය තාක්ෂණ ව්යාපෘති දිනාගත් E-Wis, Epic Lanka හෝ JIT වැනි සමාගම් පිළිබඳ තොරතුරු යම් පමණකින් හෝ ප්රසිද්ධියට පත් වුවද, වර්තමානයේ ක්රියාත්මක වන ප්රධාන පෙළේ ඩිජිටල් ව්යාපෘතිවල ටෙන්ඩර් දිනාගත් සමාගම් කවුරුන්ද යන්න රාජ්ය රහස් මෙන් රහසිගතව තබාගැනීමට කටයුතු කිරීම පිටුපස විශාල අක්රමිකතාවයක් පවතින බවට තොරතුරු අනාවරණය වේ.
තොරතුරු වසන් කළ රහසිගත ඩිජිටල් ව්යාපෘති:
- බස් රථ ඩිජිටල් ටිකට් පද්ධතිය: පෞද්ගලික අංශය හා එක්ව නියමු ව්යාපෘති ක්රියාත්මක කළද, මෙම සමස්ත තාක්ෂණික පද්ධතියේ කොන්ත්රාත්තුව හිමිවූයේ කාටද යන්න කිසිදු ප්රසිද්ධ ලේඛනයක සඳහන් නොවේ.
- දුම්රිය e-ticketing එන්ජිම: මගීන් සඳහා අන්තර්ජාලය හරහා ටිකට් පත් වෙන්කිරීමේ පද්ධති ක්රියාත්මක වුවද, එහි පසුපස සිටින ප්රධාන තාක්ෂණික කොන්ත්රාත්කරු කවුරුන්ද යන්න වසන් කර ඇත.
- Smart Highway Tolling System: අධිවේගී මාර්ග ගාස්තු අයකිරීම් ඩිජිටල්කරණය කිරීමේ ව්යාපෘතියේ ප්රසම්පාදන ක්රියාවලිය සම්පූර්ණයෙන්ම මහජනතාවගෙන් සහ මාධ්යයෙන් වසාදමා තිබේ.
නියෝජ්ය ඇමති සහ Omobio – Eimsky පටලැවිල්ල
මෙම අඳුරු ගනුදෙනු ක්රියාවලියත් සමඟ සෘජුවම චෝදනාවට ලක්ව සිටින්නේ ඩිජිටල් ආර්ථික පිළිබඳ නියෝජ්ය අමාත්ය එරංග වීරරත්න මහතායි. පාර්ලිමේන්තුව නියෝජනය කරන මන්ත්රී ප්රසාද් සිරිවර්ධන මහතා අනාවරණය කරන්නේ, නියෝජ්ය අමාත්යවරයා කොටස් හිමිකාරීත්වය දරන Omobio සහ Eimsky Business Solutions යන සමාගම් දෙක වෙත ප්රධාන රාජ්ය ඩිජිටල් කොන්ත්රාත්තු කිහිපයක්ම හිමිව ඇති බවයි.
නියෝජ්ය අමාත්යවරයා තමා එහි කොටස්කරුවෙකු පමණක් බවත්, පාලන කටයුතුවලට සම්බන්ධ නැති බවත් ප්රකාශ කළද, බලතල සහ නිල තලය භාවිත කරමින් සිදුකරන ලද මෙම හිමිකාරීත්ව ගැටුම (Conflict of Interest) පිළිබඳ මතුවන සැකය බැහැර කළ නොහැක.
හරිදේශය විමර්ශනාත්මක අක්ෂිය:
ඉලෙක්ට්රොනික ප්රසම්පාදන (e-Procurement) හරහා විනිවිදභාවය රකින බවට රජය ලබාදෙන ප්රතිඥා හුදෙක් සටන්පාඨවලට පමණක් සීමා වී ඇත. ජනතාවගේ බදු මුදල්වලින් වෙන්වන බිලියන ගණනක රාජ්ය කොන්ත්රාත්තු අඳුරේ සිටින හිතවතුන් අතර බෙදාහැරීමේ මෙම පිළිවෙත වහා නතර කළ යුතුය.
තොරතුරු තාක්ෂණ ක්ෂේත්රයේ සහ මහජනතාවගේ අයිතිය වෙනුවෙන් අප බලධාරීන්ගෙන් ප්රශ්න කර සිටින්නේ:
1. පසුගිය මාස 23 තුළ පිරිනමන ලද සියලුම ඩිජිටල් ව්යාපෘතිවල කොන්ත්රාත්කරුවන්ගේ නාමලේඛනය වහා ප්රසිද්ධ කරන්නේ කවදාද?
2. මෙම ප්රසම්පාදන සඳහා අනුගමනය කළ පටිපාටිය සහ ඒවායේ සමස්ත මූල්ය වටිනාකම කොපමණද?
3. නියෝජ්ය අමාත්යවරයාට සම්බන්ධ සමාගම් වෙත කොන්ත්රාත්තු හිමිවීමේදී සිදුවූ අක්රමිකතා පිළිබඳ ස්වාධීන පරීක්ෂණයක් පවත්වන්නේද?
සත්යය තවදුරටත් රහස් පැහැරගැනීම් පිටුපස සඟවා තැබිය නොහැක.