කාන්තාවක් බලහත්කාරයෙන් නිරුවත් කරන අයුරු පෙන්වන වීඩියෝවක් සමාජ මාධ්ය හරහා පසුගිය දිනවල සංසරණය වෙමින් ඇති බවට HariDeshaya.lk වෙත තොරතුරු ලැබී ඇත.
මෙම සිද්ධියට සම්බන්ධ පුද්ගලයා ලෙස Prestige Rubbers (Pvt) Ltd හි සභාපති Shazni Kamardeen නම් පුද්ගලයා පිළිබඳව බරපතළ චෝදනා එල්ල වී ඇත.
ලැබී ඇති තොරතුරු අනුව, එම කාන්තාව බලහත්කාරයෙන් නිරුවත් කරමින් එම දර්ශන තම ජංගම දුරකථනයෙන් වීඩියෝගත කර, එම වීඩියෝව තම ආයතනයේ සේවය කරන කාන්තාවන් කිහිපදෙනෙකුට WhatsApp යෙදුම හරහා බෙදාහැර ඇති බවට සඳහන් වේ.
එමෙන්ම, මෙවැනි ආකාරයෙන් තවත් කාන්තාවන් කිහිපදෙනෙකු නිරුවත් කර වීඩියෝගත කර තමා සතුව තබාගෙන ඇති බවටද තවත් තොරතුරු අනාවරණය වෙමින් ඇත.
තවද, මත්පැන් පානය කර සිටින අවස්ථාවකදී, “දේපල අත්පත් කර ගැනීම සඳහා තම පියා ඝාතනය කළේ තමා බවත්, ඔබලා ඝාතනය කිරීමටද මට කිසිදු සැලකිල්ලක් නැති බවත්” යනුවෙන් අදාළ පුද්ගලයා විසින් අසල සිටි අයව තර්ජනය කර ඇති බවටද තොරතුරු ලැබී ඇත.
අදාළ පුද්ගලයාගේ පියා වූ MTM Kamardeen මහතා, අපනයන ක්ෂේත්රයේ ප්රසිද්ධ ප්රමුඛ ව්යාපාරිකයෙකු ලෙස හැඳින්වෙන පුද්ගලයෙකි. ඔහු 2016 වසරේ නාරාහේන්පිට පිහිටි පෞද්ගලික රෝහලකදී ප්රතිකාර ලබමින් සිටියදී ජීවිතක්ෂයට පත්ව ඇති බවට වාර්තා වේ.
මෙහි සඳහන් සියලු කරුණු සම්බන්ධයෙන් මේ වන විට නිල පරීක්ෂණයක් ආරම්භ කර තිබේද, නැතහොත් නීතිමය පියවර ගෙන තිබේද යන්න පිළිබඳව HariDeshaya.lk විසින් තවදුරටත් තොරතුරු රැස් කරමින් පවතී.
මෙය බරපතළ මනුෂ්ය අයිතිවාසිකම් උල්ලංඝනයක් සහ අපරාධමය චෝදනාවන්ගෙන් සමන්විත සිද්ධියක් වන බැවින්, අදාළ නීති අංශ විසින් ඉක්මන් හා ස්වාධීන පරීක්ෂණයක් සිදුකර සත්යය ජනතාවට හෙළි කරනු ඇතැයි අපේක්ෂා කෙරේ.
👉 මෙම පුවත සම්බන්ධයෙන් නීතිමය හෝ නිල පැහැදිලි කිරීමක් ලබාදීමට අදාළ පාර්ශවයන්ට HariDeshaya.lk විසින් “Right of Reply” ලබාදීමට සූදානම් බවද මෙහි සඳහන් කරමු.
සටහන (Editorial Disclaimer):
මෙම වාර්තාව තුළ සඳහන් කරුණු දැනට ලැබී ඇති තොරතුරු සහ චෝදනා මත පදනම්ව සකස් කර ඇති අතර, අදාළ පුද්ගලයා නීතිය ඉදිරියේ වරදකරු බව තීරණය වන්නේ අධිකරණ ක්රියාවලියෙන් පසුය.
Video Link 👇👇👇
https://www.facebook.com/share/v/1AjJHvgLja/?mibextid=wwXIfr