පාර්ලිමේන්තු ඉතිහාසයේ කථානායක ධුරයකට එල්ල වූ බරපතළම සහ කළුම තත්ත්වය යටතේ, වත්මන් කථානායක වෛද්‍ය ජගත් වික්‍රමරත්න මහතාට තවදුරටත් එම පුටුවේ රැඳී සිටීම තහනම් කරමින් ජනාධිපති අනුර කුමාර දිසානායක විසින් වහාම ක්‍රියාත්මක වන පරිදි ඉල්ලා අස්වන ලෙස දැඩි නියෝගයක් නිකුත් කර ඇති බව විශ්වසනීය දේශපාලන ආරංචි මාර්ග හෙළි කරයි!
රටේ උත්තරීතර ව්‍යවස්ථාදායකයේ නායකයා ලෙස මධ්‍යස්ථව කටයුතු කළ යුතු කථානායකවරයා, රාජ්‍ය දේපළ කොල්ලකෑම, නිල නිවාස සහ වාහන අවභාවිතය මෙන්ම දූෂණ චෝදනා මත හිර වී සිටින පසුබිමක, විපක්ෂය විසින් ගෙන ආ චෝදනා 50කින් සමන්විත විශ්වාසභංග යෝජනාව හමුවේ ඔහු සම්පූර්ණයෙන්ම නිරුත්තර වී තිබේ.
විශ්වාසභංගයෙන් බේරීමට “විදෙස් නාටකයක්”?
විපක්ෂයේ සමගි ජන බලවේගය ප්‍රමුඛ විපක්ෂ විසින් පාර්ලිමේන්තුවට නිල වශයෙන් ගෙනැවිත් ඇති මෙම විශ්වාසභංග යෝජනාව හමුවේ සභාවේදී දැඩි අපකීර්තියකට මුහුණ දීමට ඇති බිය නිසා, කථානායකවරයා මේ වන විට පැන යාමේ මාවත් සොයමින් සිටියි.
ලැබී ඇති අභ්‍යන්තර තොරතුරු වලට අනුව, ඉදිරියේදී විදේශ රටක පැවැත්වෙන විශේෂ සමුළුවකට මුවා වී රටින් පලා ගොස්, එම විදෙස් සංචාරයෙන් පසුව සිය ඉල්ලා අස්වීමේ තීරණය ප්‍රකාශයට පත් කිරීමට ජගත් වික්‍රමරත්න මහතා දැඩි සූදානමක පසුවේ. උත්තරීතර සභාවේ ගෞරවය පූජා කරමින්, පෞද්ගලික වරප්‍රසාද සහ නීතිවිරෝධී වරදවල් යටතේ හිරවී සිටින කථානායකවරයෙකුට තවදුරටත් රටේ ජනතාව ඉදිරියට ඒමට කිසිදු සදාචාරාත්මක අයිතියක් නොමැති බව මේ වන විට දේශපාලන ක්ෂේත්‍රය පුරාම දැඩි කතාබහට ලක්ව තිබේ.
චෝදනා 50ක දැලක පැටලුණු කථානායකවරයා
විපක්ෂයේ මන්ත්‍රීවරුන්ගේ අත්සන් සහිතව පාර්ලිමේන්තු මහලේකම්වරයා වෙත භාර දී ඇති මෙම විශ්වාසභංග යෝජනාව හරහා හෙළි වී ඇති අමූලික වංචා සහ දූෂණ ලැයිස්තුව අතිශය දිගුය:
- නිල නිවාස සහ රජයේ දේපළ මංකොල්ලය: දැනටමත් නිල නිවාස හිමිව තිබියදී, කොළඹ ලොරිස් පටුමඟින් අතිරේක නිල නිවාසයක් නීතිවිරෝධී ලෙස බලහත්කාරයෙන් ලබා ගැනීම සහ බත්තරමුල්ල නිල නිවසේ බඩුපළ අවභාවිත කිරීම.
- අල්ලස් කොමිසමට බලපෑම් සහ නීති උල්ලංඝනය: තමාට එරෙහිව අල්ලස් හෝ දූෂණ චෝදනා විමර්ශන කොමිෂන් සභාව පවත්වන පරීක්ෂණවලට කිසිදු අනුමැතියකින් තොරව අනවශ්‍ය අයුරින් (හිතුමතේට) මැදිහත් වෙමින් සාක්ෂිකරුවන්ට බලපෑම් කිරීම.
- අනුමැතියකින් තොර මාධ්‍ය ඒකක සහ මහජන මුදල් කාබාසිනියා කිරීම: කිසිදු අනුමැතියකින් තොරව නීතිවිරෝධී මාධ්‍ය ඒකක පවත්වා ගනිමින් මහජන මුදල් ලක්ෂ ගණනින් අපතේ හැරීම.
- ප්‍රජාතන්ත්‍රවාදය පාගා දැමීම: පාර්ලිමේන්තුවේ සෙංකොලය රැකගත යුතු කථානායකවරයා, ආණ්ඩු පක්ෂයට කඩේ යමින් විපක්ෂයේ මන්ත්‍රීවරුන්ගේ වරප්‍රසාද සහ ප්‍රශ්න මර්දනය කරමින් අත්තනෝමතික ලෙස සභාව මෙහෙයවීම.
රටේ නීතිය හා විනය රකිනු වෙනුවට, නීතිය පාගා දමමින් පුද්ගලික වාසි මත පමණක් ක්‍රියා කළ කථානායකවරයෙකුට එරෙහිව එල්ල වී ඇති මෙම දැවැන්ත ජනතා සහ දේශපාලන විරෝධය හමුවේ, ජගත් වික්‍රමරත්න මහතාට තවදුරටත් එම පුටුවේ විනාඩියක්දු රැඳී සිටිය නොහැකි තත්ත්වයක් උද්ගත වී තිබේ. ඉදිරියේදී මේ සම්බන්ධයෙන් සිදුවන තීව්‍ර දේශපාලන ක්‍රියාමාර්ග පිළිබඳව HariDeshayaLk අප නිරන්තරයෙන් අවධානයෙන් සිටී.