ලක්සල අර්බුදය සහ ‘සලා ග්ලෝබල්’ වෙතින් ලද පැහැදිලි කිරීම

'හරි දේශය' වෙබ් අඩවිය විසින් ලක්සල රාජ්‍ය සන්නාමය සම්බන්ධයෙන් මතු කරන ලද ගැටලුකාරී තත්ත්වයන් සහ පෞද්ගලික අංශයේ මැදිහත්වීම පිළිබඳව ප්‍රකාශයට පත් කරන ලද ලිපි දෙකකට අදාළව, සලා ග්ලෝබල් (Sala Global Private Limited) හිමිකරු වන චින්තක විජේවික්‍රම මහතා අප වෙත පිළිතුරු ලිපියක් එවා ඇත. අපගේ මාධ්‍ය කණ්ඩායම විසින් මෙම විෂය සම්බන්ධයෙන් සිදු කරන විමර්ශන අතරතුර, මෙම පිළිතුරු ලිපිය ප්‍රකාශයට පත් කිරීමටත්, අපගේ මූලික විමර්ශනවල තාර්කික කරුණු නැවත අවධාරණය කිරීමටත්, පාඨකයාගේ දැනගැනීම පිණිස මෙය පළ කිරීමටත් අප කටයුතු කරන්නෙමු.

චින්තක විජේවික්‍රම මහතා විසින් ඉදිරිපත් කරන ලද “Clarification Regarding False Allegations Against Sala Global Private Limited” යන මැයෙන් යුත් ලිපියෙන්, සලා ග්ලෝබල් සහ ලක්සල අතර ඇති කරගත් ගිවිසුම සම්බන්ධයෙන් පැතිර යන බව කියන ඇතැම් වැරදි තොරතුරු පිළිබඳව ඔහුගේ පාර්ශ්වයෙන් කරුණු පැහැදිලි කර ඇත.

චින්තක විජේවික්‍රම මහතාගේ සම්පූර්ණ ඉංග්‍රීසි ලිපිය පහත දැක්වේ:

Subject: Clarification Regarding False Allegations Against Sala Global Private Limited

Dear Sir,

I am writing to bring to your attention certain misleading claims circulating in the media regarding Sala Global Private Limited’s agreement with Laksala. We wish to set the record straight with the following facts:

Legally Approved Agreement – Sala Global signed a formal agreement with Laksala on 22nd November 2023, which was duly approved by the Board of Laksala and all relevant authorities.

No Importation of Goods – Contrary to baseless rumors, we have not imported any items worth 500 million from any country for supply to Laksala as of now.

No Foreign Influence – Sala Global has no commitment to any Chinese national or foreign entity, nor will we allow any foreign party to exploit Laksala. We remain fully committed to promoting Sri Lankan products above all else.

Sala Global is committed to promote Sri Lankan products, both locally and internationally. Sala have observed a growing global demand for Sri Lankan products, admired by foreigners, and aim to support local artisans and industry professionals as Sala Global is a truly Sri Lankan company.

Compliance with Procurement Guidelines – We have not violated any procurement regulations, as Laksala has not purchased any items from Sala Global. All supplied goods were on a consignment basis, meaning the entire financial risk remains with Sala Global.

Denial of Wrongdoing – We categorically deny any misconduct on our part and have strictly adhered to all guidelines set by Laksala.

Hidden Agenda Against Laksala’s Growth – It is evident that certain parties with ulterior motives are spreading false allegations to hinder Laksala’s progress and the broader industry’s development.

We kindly request Hardeshāya to verify these facts before publishing any further unverified claims that could harm the reputation of Sala Global and Laksala. We remain open to transparent dialogue and will take necessary  action against defamatory statements.

We appreciate your commitment to fair and accurate journalism and hope for your cooperation in correcting any misinformation.

Sincerely,

Chinthaka Wijewickrama

Sala Global Private Limited

චින්තක විජේවික්‍රම මහතාට මෙලෙස ප්‍රතිචාර දැක්වීම සහ ඔහුගේ පිළිතුරු ලබාදීමේ අයිතිය අපගේ මාධ්‍ය ආයතනය අගය කරන්නෙමු.

අපගේ විමර්ශනවල තාර්කික අවධානය

කෙසේ වෙතත්, ‘හරි දේශය‘ විසින් ප්‍රකාශයට පත් කරන ලද “ලක්සල අර්බුදය: රාජ්‍ය සන්නාමය පෞද්ගලික ලාභයට පාවාදීමක්ද?” සහ “ලක්සල අලෙවිසැල් විවෘත කිරීම අවලංගුයි—මාධ්‍ය හෙළිදරව්වකින් ඇරඹි අමාත්‍යවරයාගේ ප්‍රතිපත්තිමය බාධාව” යන ලිපිවල මූලික තාර්කික අවධානය යොමු වූයේ සලා ග්ලෝබල් ආයතනයේ ක්‍රියාකාරකම් වෙත පමණක් නොවේ.

අපගේ ප්‍රකාශනවල තාර්කික නිරවද්‍යතාව පිහිටා තිබුණේ:

• රාජ්‍ය සන්නාමයේ විභව අවදානම: ලක්සල වැනි රාජ්‍ය ආයතනයක්, එහි කීර්ති නාමය සහ වෙළඳ නාම වටිනාකම පෞද්ගලික අංශය සමඟ හවුල් වීමෙන් ඇති විය හැකි විභව අවදානම පිළිබඳව අවධානය යොමු කිරීම. ලක්සල සතු ශ්‍රී ලාංකේය අනන්‍යතාවය සුරක්ෂිත කිරීමේ අවශ්‍යතාවය.

• ප්‍රතිපත්තිමය හා ක්‍රියා පටිපාටිමය විනිවිදභාවය: විශේෂයෙන්ම, ගිවිසුමට අදාළ මුදල්මය ගනුදෙනු, භාණ්ඩ ප්‍රසම්පාදන ක්‍රමවේද සහ තෝරා ගැනීම් වැනි රාජ්‍ය ආයතනයක මූල්‍යමය විනිවිදභාවය සහ අනුගමනය කළ යුතු ක්‍රියා පටිපාටි සම්බන්ධයෙන් පැන නැගුණු ගැටලු. අලෙවිසැල් විවෘත කිරීම අවලංගු කිරීමට බලපෑ අමාත්‍ය මට්ටමේ ප්‍රතිපත්තිමය බාධාව පිළිබඳව වාර්තා කිරීම.

• රාජ්‍ය ආයතනයක මූල්‍යමය විනිවිදභාවය: මෙම ගිවිසුම රාජ්‍ය ආයතනයක් ලෙස ලක්සල සතු වගකීම සහ මූල්‍යමය විනිවිදභාවය සම්බන්ධයෙන් බලපාන ආකාරය.

අපගේ විමර්ශනයන්හි මූලික අවධානය යොමු වී ඇත්තේ රාජ්‍ය ආයතනයක් ලෙස ලක්සල විසින් අනුගමනය කරන ලද ක්‍රියා පටිපාටි සහ එහි මූල්‍යමය විනිවිදභාවය පිළිබඳව මිස, සලා ග්ලෝබල් ආයතනයට දෝෂාරෝපණය කිරීම නොවේ. සලා ග්ලෝබල් විසින් ඉදිරිපත් කරන ලද තොරතුරු, විශේෂයෙන්ම භාණ්ඩ තැන්පතු පදනම (Consignment Basis) මත සැපයීම සහ ආනයන නොමැති බව සඳහන් කිරීම, විමර්ශනයේදී සැලකිල්ලට ගනු ඇත.

අපගේ මාධ්‍ය කණ්ඩායම විසින් දැනටමත් ප්‍රකාශයට පත් කරන ලද ලිපිවල සඳහන් කරුණු සම්බන්ධයෙන් වැඩිදුර විමර්ශන මේ වන විටත් සිදු කරමින් පවතී. ඉදිරියේදී ඒ පිළිබඳව කරුණු සත්‍යතා පදනම මත ඉදිරිපත් කිරීමට අප බලාපොරොත්තු වන්නෙමු.